Niyə AMFA-ya üzv olmalı?
Azərbaycan Mikromaliyyə Assosiasiyası üzvlük əsaslı şəbəkədir. Bizim missiyamız Mikromaliyyə institutlarının potensial imkanlarının gücləndirilməsi və mikromaliyyə birliyinin və onun müştərilərinin maraqlarının təmin olunması üçün effektiv birgə fəaliyyətin təşviq edilməsidir.
AMFA-ya qoşulma məqsədləri:
Ən yaxşı təcrübənin yayılması və tətbiqini təkmilləşdirmək
Mikromaliyyə xidmətləri göstərilməsində və davamlı mikromaliyyə təşkilatlarının böyüməsində şəffaflığı və hesabatlılığı təşviq etmək
Maliyyə xidmətlərinə çıxış imkanlarını artırmaq
Assosiasiya bu missiyanı yüksək keyfiyyətli daxili təlimlərin təşkili, tədqiqat layihələri həyata keçirmək, qarşılıqlı öyrənmə və mübadilə imkanları, beynəlxalq donorlar və investorlarla əlaqə yaratmaq, mikromaliyyə mövzularında məlumat vermək, mikromaliyyə sektoruna aid kitabların Azərbaycan dilinə tərcüməsi və hüquqi və siyasət təbliği vasitəsilə həyata keçirir.